Lo potolo [Interneteko baliabidea - Audioa] : lotara joateko ipuinak / egileak, Uxue Alberdi ... [et al.] ; esatariak, Ainhoa Ayerbe ... [et al.] ; zuzendaria, Iñaki Beraetxe ; ekoizpena, On Time ekoizpenak eta EITB media

Lo potolo, Alberdaniak argitaratutako ipuin sorta da audio-liburu honen edukia, hainbat irakurlek jartzen diotelarik ahotsa. Lotara joaterakoan haurrei irakurtzeko ipuinak, poemak, jolasak, egitura erritmikoak eta askoz ere gehiago, historia bizi goxoak kontatzen dituzten irudi eder koloretsuez apainduak. Gurasoek haurrek beste gozatuko duten liburu honetan, askotarikoak dira piezak, askotarikoak diren bezala lumak eta erregistroak. Liluratik pikardiara, jolasetik gogoetara, goxotasunetik irribarrera, edo algarara... Bidaia etengabea proposatzen dio LO POTOLO liburuak irakurtzen duenari eta entzuten duenari. Gelaren argiantzean, eguneroko afanak itzaltzearekin batera mundu magikoak itzaletatik ateratzen hasten denean, lehen-lehen mailako idazleen istorioak paregabeko bidelagun dira ametsen erresumarako bidaian, marrazki fin jostarinen laguntza ezin hobearekin. Baina ez bakarrik lotarako, edozein une da egoki eta aproposa haurrekin lehen irakurketaren gozamenean murgiltzeko, elkarrekin eta elkarri kontatuz letra eta marrazkiz osatutako historiak. Inork galtzerik ez duen bizipena baita edertasunarena.