Iritsi gara!

Goazenen Unibertsoko liburuak sortu ditu Jasone Osorok eta orain audioliburu gisara entzuteko aukera duzu EiTBpodkast atariaren bitartez. "Iritsi gara!" da Alai argitaletxeak argitaratutako testuetan lehena. Bertan gazte urduriak ageri dira. Izan ere Kamioi bat gurutzatu da errepidean eta auto-ilarak sortu ditu. Uste baino gehiago luzatuko da itxaronaldia eta dozenaka autobus eta kotxek zain egon beharko dute. Autoan doaz Zuri, Eli, Gari eta Julen. Autobusez Danel, Eider, Eneko, Maddi, June eta Igor. Aimar amarekin doa autoz. Gabo desesperatzen hasi da gasolindegian atzeratzen ari direlako. Era batera edo bestera, guztien bizitzak gurutzatuko dira errepidean. Familia hippy bat ezagutuko dute, auto-stop egiten duen jendea, ezkutatuta dagoen laku bat... Hainbat abentura igaro ondoren, azkenean bai, azkenean iritsiko dira Basakabira.