Eiderren egunerokoa Eiderren egunerokoa

Goazenen Unibertsoko liburuak sortu ditu Jasone Osorok eta orain audioliburu gisara entzuteko aukera duzu EiTBpodkast atariaren bitartez. Osasuntsuak ez diren bikote harremanak biltzen ditu Jasone Osorok. Iker eskalatzailea da, mutil jatorra eta liluragarria. Eiderrek aspaldi egiten du amets berarekin. Eta gutxien uste zuenean, Iker hurbildu zaio, eta elkarrekin ateratzen hasi dira. Eider pozak txoratzen dago, maiteminduta, eta sentitzen duen guztia, bizitzen ari den guztia eguneroko batean idazten ari da. Eguneroko hori ahots goran entzunez jabetzen gara, ustez, harreman aberasgarria izan behar zuena, mugatzailea eta toxikoa ere bihurtu dela. Danelen laguntzari esker, jabetu da egoeraz. Beti pentsatu izan duen bezala, printze urdinik ez dagoela ikusi du Eiderrek.