Barrokoa I : Gipuzkoan / [autoreak] Maria Isabel Astiazarain Atxabal, Mª Asuncion Arrazola Etxeberria, Mertxe Moreno ; egokitzailea, Belaxe ; [argazkiak, Sigfrido Koch, Pedro Moreno, Kriseluren artxiboa]

Iharduera artistikoaren Urrezko Mendea XVI.ena izan zen Gipuzkoan, arkitekturari nahiz eskulturari dagokionez. Horren arrazoia egoera ekonomiko hobea izan zen batipat, gero eta garrantzitsuagoa zen komertzioari eta bertako portuek urruneko itsasoetako enpresekin zituzten harremanei eskertu lortua. XVII. mendean zehar gainbehera politikoaren ondorioz jendartean atonia nagusitu zen arren, bestelakoak izan ziren Gipuzkoako herriak iharduera artistikoarekin jarraitzera bultzatu zituzten arrazoiak. Ezbairik gabe, Trentoko Kontzilioaren ondorioz, erlijioaren pizkundea eta fede eta sineste sutsuaren handitzea bizi izan ziren garai haietan. Eta hori izan zen, ziur aski, gure probintziako elizarik urrun eta behartsuetaraino ere heldu zen arte erlijiosoaren gorakadaren eragle garrantzitsua -nagusia izan ez bazen ere-. Gehitu guzti horri Loiolako Inazio eta Xabierrreko Frantzisko egun berean kanonizatzeak herriarengan eragin zuen poz izugarria, eta ulertzen da iharduera artistikoa kantitatez gutxitu ez izana.