Errenazimentua I : Nafarroan / [autorea] Emilio Majuelo ; egokitzailea, Karla Mujika ; [argazkiak, Sigfrido Koch, Sahats]

Errenazimentu garaia ekimen artiztikoz beterik eta lan ugariz ageri zaigu. Nafarroarentzat XVI. mendearen hasierarekin batera Nafarroako Erresumaren gainbehera etorri zen, eta foruek zuten balioa ere galtzen hasi zen. Gaztelak 1512 militarki konkistatu zuenean, militarki Nafarroarentzat gertaturikoa larria izan zen, eta XV. mendearen bigarren erditik krisi sozial eta politikoak jota zeukan gizarte hau, giro kultural eta artistikoari dagokionez ere kaltetuta geratu zen. Ondorioz, XVI. mendeko lehen herenean, estamendu sozialek jasaten ari ziren larritasun ekonomikoengatik iharduera artistiko garrantziskorik ez zen izan. Beste faktore batzuen artean, honek eragin zuen XVI. mendean zehar Errenazimentu garaia kronologikoki atzeraxeago etor zedin, eta are garrantzitsuago dena, honek baldintzatu zuen mendearen bigarren herenera arte berreskurapen artistikorik ez gauzatzea. Estilo errenazentista desberdinen garapena ere ez da jausiko mendearen amaitzearekin, baizik eta luzatu egingo da XVII. lehen hamarkadetan zehar.