Eusko Ikaskuntza, 100 urte Asmoz ta Jakitez [Interneteko baliabidea - Bideoa] / edukien zuzendaria eta gidoilaria, Alberto Santana ; zuzendaritza eta errealizazioa, Josu Venero ; produktoreak, Mikel Erkiaga, Janire Olabarriaga ; egileak, Euskal Telebista, Eusko Ikaskuntza

Eusko Ikaskuntzak bete dituen ehun urteei buruzko dokumentala da. 1918an sortu zen Eusko Ikaskuntza, Lehen Mundu Gerrak Europa suntsituta utzi zuenean. Urte hartan, Euskal Herriko hainbat pentsalari Oñatin elkartu zen, euskal kulturari buruz egindako ikerketak ikuspegi unibertsaletik baliatzeko asmoz. Euskaltzaindiaren sustatzailea izan zen Eusko Ikaskuntza, baita Euskal Unibertsitate Publikoa sortzeko ekimenaren lehen bultzatzailea ere, eta Euskadi eta Nafarroarako Autonomia Estatutu bateratuaren lehen proiektu bideragarria idatzi zuen Eusko Ikaskuntzak. Miguel Primo de Rivera eta Francisco Francoren diktadura militarren aurrean, irauten jakin zuen erakundeak. Bazkide zituenak Gerra Zibilean eta Bigarren Mundu Gerran han-hemenka barreiatu ziren arren, 1978an berpiztu egin zen Eusko Ikaskuntza.