Ikaskuntza kooperatiboa gogoetaren ikuspegitik / George M. Jakobs, Anita Lie eta Siti Mina Tamah ; itzultzailea, Hitzurun

Lan honen xede nagusia da hizkuntza-irakasleek eta ikasleek ikaskuntza kooperatiboari buruzko xehetasun garrantzitsuen gaineko gogoeta egitea. Horretarako, ikaskuntza kooperatiboaren aurrekariak azaldu ondoren (historia, kultur tradizioetan dituen sustraiak, oinarri teorikoak eta zenbait ikerlan), oinarrian dauden zortzi printzipioak azaltzen dira hasierako ataletan. Indarrean jartzeko jarraibideak eta aholku praktikoak eskaintzen dira gero; halaber, honelako ikaskuntzaren ebaluazioari ere erreparatzen zaio. Ikaslea ardatz duen paradigmaren testuinguruan, gogoetan oinarritutako irakaskuntzarekin lotzen dira ikaskuntza eta irakaskuntza kooperatiboa. Gainera, irakasleek eurek ere lankidetzan nola jardun dezaketen eta elkarrekin nola hausnar dezaketen lantzen da testuan. Azkenik, bost hizkuntza-ikasgai deskribatzen dira, aldez aurretik azaldutakoa aintzat hartuta. Azpimarratzekoa da liburuan zehar txertaturik dauden hausnarketarako etenaldiak; hainbat galderarekin egingo du topo horietan irakurleak. Izan ere, egileen uste eta ohiturekin bat dator planteamendua; diotenez, eurek ezin dute H bitaminaren dosirik gabe biziraun, hausnarketarik gabe, alegia.