Helloak Txinan / Jon Abril

Jon Abril kazetariak eta Asier Gogortza argazkilariak Txinan barrena berrogei egunez egindako bidaiaren kronika da liburu hau. Bi adiskideek oporraldia eta lana uztartu zituzten, erreportajeak eta elkarrizketak eginez eta hango kultura ezagutuz. Beijing, Shangai, Guilin, Yangshuo, Longsheng, Kaili, Kunming, Dali, Lijiang, Luhoshui, Chengdu, Xian eta beste hainbat herritan barrena ibili ziren biak, eta haietan aurkitu eta ikusitakoak biltzen dira orrialde hauetan: hiri handiak, nekazarien herriak, jende uholdeak, paisaiaren edertasuna, eguraldia, euskal enpresek Txinako merkatuan dituzten egitasmoak, matriarkatuak, bertsolari txinatarrak, askotariko kulturak eta guretzat hain berezia den bizimodua.