Lau teatro arestiar / [hitzaurrea, Ramón Saizarbitoria]

Gabriel Aresti pertsonaia diskutitua eta diskutagarria bat dela emanik ere, ezin uka daiteke beti egon dela bere lanerako ahalmen handiaz gazte-talde progresistek kultura bidean behar izan dutenari laguntzeko prest. Bere ideologiatik, bere liburuak irakurtzeaz, koblak entzuteaz, alukeriak kanpo, honako konstante hauk geratzen dira ondorio bezala populuarengan: Gizonak asko sufritzen duela, halaz ere aitaren etxeak zutik iraunen duela eta oihu garratz hura: ez, ezazue tapa gizonaren ahoa, mintza dadin. Gabriel Arestik itxiak zituen Zeruko Argia, eta nola ez, Agur-eko ateak. Orain Anaitasunakoak ere itxi bide zaizkio. Beraz, hitza debekatua du euskal aldizkarietan. Hori dela LURekoeri debekatze horren berri publikoki ematea bidezko deritzaigu, populuak zensura neurri hoik, analiza eta juzga ditzan.