EIMA Katalogoak 2005etik dihardu dokumentazio-zentroan euskarazko ikasmaterialak biltzen eta katalogatzen. Askotariko baliabideak kontsultatu eta eskuratu daitezke katalogoaren egoitzan edo webgunean: curriculumeko baliabideak (testuliburuak…) edota irakas-jardunerako material osagarriak (bideoak, aplikazioak, monografiak, jolasak, literatura-lanak…).

Zergatik jo EIMA Katalogora?

• Katalogoaren webguneak aukera ematen dizulako materialak bilatzeko, maileguan eskatzeko eta, zenbait kasutan, on-line eskuratzeko.
• Aukera duzulako hizkuntza-kalitatea bermatuta duten lanak bilatzeko (EIMAren hizkuntza-onespena jasotakoak, euskara egokian sortutako testu ulergarriak izateagatik).
• Gaur egungo ikasmaterialak ez ezik, euskal irakaskuntzaren hastapenetakoak ere aurkituko dituzulako.

Gutxi gorabehera 37.600 erreferentzia dituzu katalogoan, eta etengabe ari gara eguneratzen. 12.000 inguru sarean eskuratu ditzakezu; gainerakoak eskuratzeko, gure egoitzara etor zaitezke edo zure ikastetxera bidaltzeko eskatu.

37.641 erreferentzia guztira