Urdina zirudien gela / [testuak] Maite Arruti Arakistain ; marrazkiak, Leire Ruiz Arruti

Zarauzko baserri batean bizi da Agustina. Gorroto du zerriak garbitzera hondartzara joatea, uda pasatzera etorritako nobleek barre egiten baitiote. Baina amak emandako aginduak eta uretatik irteten ezagututako mutil galantak Zarauzko nobleziaren jatorrira eta herria beraren abiapuntura eramango dute: Narros jauregira. Marimartin lagun minarekin batera, Zarauzko antzinako argazki orokorra azalduko digu, eta, bide batez, herriaren imajinario kolektiboan uztartutako gela urdinaren misterioari azalpen sinesgarria emango dio. Hainbat pasadizoz zipriztindutako istorioaz baliatuta, XIX. mende bukaerako Zarutz nolakoa zen agertzea da ipuin honen asmoa.