Hautsi ditugu kateak, espaziora goaz / [testugilea] Iñaki Irazabalbeitia

Gizakiak arrazonatzeko ahalmena izan duen une beretik, airean dabiltzan hegaztiak imitatuz, hegan egiteko ametsa izan duela ziurta daiteke. Duela 200 urte, aire beroz poztutako lehenengo globoak zerurantz abiatu zirenean, errealitate bihurtu zen ametsa. Globoak, aire-korronteen menpe daude eta haizeak nahi duen tokirantz abiatzen dira. Ez zen hori gizakiak desio zuena. Berak jarri nahi zuen norabidea. Hurrengo urratsa, makina hegalariak nahi tokira eramatea alegia, mende honen hasieran gertatu zen, airea baino astunagoa zen lehen abioiak hegaldi laburra egin zuenean... Liburu honen helburua, esplorazio horren berri ematea da. Orrialde hauen bidez, espazioaren esplorakuntzan gertatu diren unerik garrantzitsuenak eta hori lortzeko eman diren urratsak azaldu nahi zaizkizu, irakurle.