Martin Martina eta sorginen batzarra / [testua] Amancay Gaztañaga ; [marrazkiak, Alain Martinez Iribarren]

Martin Martinak eta lagunek laminen orraziaren lapurreta ikertzen jarraitzen dute. Eta iritsi dira abenturaren zatirik ilunenera; sorginak, mamuak eta aztikeria dira istorio honetan nagusi. Izaki argitsuek eta munstro maitagarriek ez dute lekurik. Gabonetako oporren atarian, Matin Martinaren aitona-amonen herria komediante eta argi dirdiratsuz bete den arren, izaki beldugarri baten erruz, aztikeria baten eraginpean dago. Desegingo duen erremedioaren bila, egoera uste baino gehiago nahastuko da. Yasmeenek mezu arraro bat helerazi dio Juliari: "Bihar seietan Basurde-zulon. Kontuz suarekin, hotz dago. Lo hartu baino lehen begiratu ohe azpian". Abentura honetan zerbait jaio eta norbait hilko da. Gogoratu: kontuz suarekin, hotz dago.