Enbor zarraren ezpalak / Manuel Lasarte

Manuel Lasarte bertsolariak, leen plazetan eztarriari bezela, orain lumari eragiten dio bere etxe txokoan. Ala, gaurkoan beste liburu bat eskeintzen digu: Enbor zarraren ezpalak. Euskeraren enbor zarraren ezpalak ditugu izan ere, Manuelek emen ain egoki erabiltzen dituen gaiak. Beraren ama eta aitagandik asita, mota askotako gizakiak ikusiko ditugu: indartsuak, zelebreak, atorranteak, morroiak, parranderoak, igeltseroak, mutilzarrak, mojak arrantzaleak, soiñujoleak, ijitoak, baso-mutillak eta abar eta abar. Pelikula baten antzekoa da, beraz, gure begien aurrean jartzen duan mundua. Baiña mundu ori gu jaio giñan lurra izanik, Euskal Erriaren argazki jator eta eder bat osatzen digu; berak batera eta bestera kantuan ibili zanean ain ondo ezagutu eta biotzez maitatu zuan erriaren argazki dotorea.