Plaza-gizonak [Interneteko baliabidea] / Manuel Lasarte

Zenbait bertso-liburu eskeiñi zizkigun orain urte batzuk Manuel Lasartek. Baiña gero egunkarian idazten asi zan. Artikulu-pilla argitaratu ere bai, Oiek bildu eta liburuetan daude, aren euskeraz gozatu nai duenarentzat. Lasarteren bertsoa eta prosa irin beraren opillak edo aita beraren umeak dira: euskera jator eta dotorea, arrazoi mamitsuak, umorea, izkuntza garbi eta aberatsa ... Aren bertsoa entzutea atsegingarria bazan, prosa ere eztia bezin gozoa irudituko zaigu. Gaurko liburu onek "Plaza-gizonak" du izenburua. Lasartek bere bertsolari-ibillaldietan ezagutu dituan gizonen berri ematen digu. Gure Euskal Erria txikia degu Juze-zabalean; baiña kristau mota asko eman dituana. Baratza txikia, alegia, baiña landare ezberdiñez ongi ornitua. Oien erretratuak Jumaz egiñez, Euskal Erria osoarena ere eskeintzen digu Lasartek. Orregatik bakarrik gure esker ona mereziko luke.