Teknopolis [Interneteko baliabidea - Bideoa] : amiantoa eta robota / zuzendariak, Nagore Rementeria eta Iñaki Leturia; errealizazioa, Pixel; erredaktoriak, Inma Alvarez ...[et al.]; Ekoizleak, Elhuyar eta EITB

Amiantoa, edo asbestoa, eraikuntza-materialean oso ohikoa izan den fibrozementuaren osagaietako bat da. Gaur egun oraindik ere leku askotan dago, hala nola teilatuetan, industria-nabeetan, etxeetan eta ikastetxeetan. Gaur, Teknopolisen amiantoa kentzeko prozesua barrutik ikusiko dugu, eta Osalaneko mediku batek amiantoak eragin ditzakeen gaitzen berri emango digu. Amiantoaren eraginpean etengabe egoteak eta hura manipulatzeak gaixotasunak eta heriotza ere eragin ditzake. Euskadin, mineral horren eraginpean egoteagatik,400 pertsona inguru hil direla kalkulatzen da.