Gontz garaia : (ipuinak kontatu ezin dituztenei) / Fito Rodríguez

"Gontz garaia", denbora historikoa, galerna eguraldian ohi dena izango litzateke. Denbora, aldaketaz aldaketa egina da, baina ez da erraza izaten aldaketa haiei behar bezala erreparatzea eraldaketa apalak direnean, oharkabean igarotzen diren moldaketa eta mudantzak direlako, eta galerna sasoietan izan ezik, ez dira aise sumatzen. Aro aldaketa astintzaile horietakoa jazo zen Donostian 1813. urtean, eta Baionan 1814an. Obra honetan, garai hura, 1813/14koa, "Gontz" bolada izendatu dudana, ikertzen saiatuko naiz. Gontz garai Euskal Herrian, are espainiar estatuan ere, lehenengo Berrezarpen politikoa deritzana gertatu zen, zeinaren arabera, monarkia borbondarrak