Kartzelako gutunak Sophie Liebknechti ; Ordena gailendu da Berlinen / Rosa Luxemburg ; itzultzailea, Amaia Lasa ; [hitzaurrea, Amaia Lasa ; hitzostea, Ignazio Aiestaran]

2019ko urtarrilean beteko dira ehun urte Rosa Luxemburg eta bere 32 burkide erail zituztenetik. Efemeride hori kontuan hartuz, pentsalari marxista eta gerraren kontrako iraultzaile izan zen emakume honek kartzelatua zegoen artean idatzitako zenbait gutun bildu ditu Katakrak-ek, Sophie Liebknecht lagunari bidalitakoak, hain zuzen ere. Gutunotan bestelako Luxemburg bat ezagutuko dugu: Kartzelan egondako hiru urte eta lau hilabeteetan artikulu politikoak eta manifestuak idatzi zituen, noski, baina bere lagun Sophieri idatzitako gutunotan nabarmentzen da ez ziola uko egin edertasun estetikoari: musikari, literaturari, txorien txioei, bizitzako une ederren oroitzapenei... Argitalpenak Ignazio Aiestaranen hitzostea ere badakar eta, bertan, hiztegi formatuan, Rosa Luxemburgek politikaren arloan egindako ekarpena islatzen da.