Metodologia berritzaileak Haur Hezkuntzan [Interneteko baliabidea] / Ana Rodríguez

Pedagogia berriek umea ulertzeko, haren beharrak asetzeko eta hezteko modu ezberdinak erakusten dizkigute. Berri erabiltzen da, indarrean dagoen pedagogiarekin alderatuz gero, gutxiengoa osatzen dutelako. Ohiko hezkuntzak dituen gabeziak asetzeko erabiltzen dira. Argi dago eskolaren inguruko eztabaida aspaldikoa dela: zertarako den eskola, gizartean izan behar duen eragina, zelan hezi behar den, ikasleek zer trebetasun bereganatu behar duten... Eta, irakasleen lanari dagokionez, milaka zalantza eta gogoeta egiten dira: betebeharrak egoki burutzen diren, ikasleei dena eginda ematen zaien, autonomia kentzen zaien... Eguneroko lanean baliabide, kontzeptu, egitura anitz erabiltzen da, baina askotan ez da ezaguna haien jatorria eta zergatia. Horregatik, ezinbestekoa da garaiko korronte pedagogiko garrantzitsuenak ezagutzea, eguneroko praktikan identifikatzeko eta irakaste-ikaste prozesuari zentzua emateko.