Ordenagailuen egitura [Interneteko baliabidea] / Nekane Azkona Estefanía

Gaur egun asko dira eguneroko bizitzan eskuragarri ditugun mikroprozesadore edo mikrokontroladore bat duten gailuak. Gero eta ugariago, txikiago, merkeago eta azkarragoak dira. Ondorio positibo bat da arrunta dela erabiltzaile mailan benetan jorratuta egotea, oso gaztetatik gainera; baina alde ilun bat ere badu, ordenagailuaren oinarrian dauden osagai elektronikoak eta hauek elkarlanean nola aritzen diren jakitearen beharra galdu egin dela hein batean. Testuliburu honetan ordenagailuen egitura aztertzen da, barrutik kanpora: oinarritik abiatuz (mikroprozesadorearen zirkuitu integratuaren barruan dauden osagai elektronikoak, eta hauen loturak aztertuz) ordenagailuaren atalak eta elkarlanean nola aritzen diren aztertzen da. Ordenagailu xume baten adibidearen eskutik atal bakoitzaren eginkizuna eta garrantzia lantzen dira. Lehen gaian mikroprozesadorea ikusita, ondorengo gaietan ordenagailuaren barruan, baina mikroprozesadoretik kanpo, dauden beste elementuak aztertzen dira: alderdi fisikotik (memoria, busak, periferikoak) eta software aldetik (agindu eta helbideratze motak, azpierrutinak eta hauen kudeaketa).