121 amu kostaldea ezagutzeko / testuak eta argazkiak, Gorka Zabaleta ; mapak, Joxean Azpetegia

Euskal Herriko hondartzak, kalak, itsaslabarrak, irlak, begiralekuak, ibilbideak, naturgune babestuak eta beste. Gida honek euskal kostalde osoa zeharkatzen du, baina ez da lan entziklopedikoa -beste neurri bat beharko luke-. Interesguneak ezagutarazi nahi ditu, baina ez da paperezko gps bat: ez zaitu leku batetik bestera eramango begiak itxita. Paraje ederrak ezagutzeko hainbat ibilbide proposatzen ditu, baina ez da espreski mendizale edota ibiltari amorratuei zuzendutako produktu bat: txangoak goiz edo arratsalde pasa batean egin daitezke, eta ez dute aparteko zailtasunik. Zirikatzea du helburu bakarra, bidearen hasieran nik sentitu nuen jakin-mina piztea. Horregatik erabili ditut amuak: kolore bizikoak, distira begietatik sar dadin; tamaina txikikoak, edonork irensteko modukoak izan daitezen.