Eleuterio Goikoetxea eta "Eleuterioren txabola" (Gorbeia) 1922-2022 = Eleuterio Goikoetxea y el refugio de Igiriñao (Gorbeia) 1922-2022 / [egilea] Jon Urutxurtu Bengoetxea ; [koordinazioa, Montserrat Petralanda ; zuzenketak, Alasne Artetxe eta Aitor Erdozia]

Gizon eta emakume batzuk ez dira liburuetan agertzen, eta euren ekintzengatik , ekimenengatik, ekarpenengatik, -tokian tokikoak izan arren-eta ibilbideagatik merezi dute gogoan izatea eta aitortzea. Pertsona horietako bat Eleuterio Goikoetxea Goikouria da (Zeanuri, 1888-1956). Eleuterio bisionario eta mendiko turismoaren aitzindaria izan zen, "Euskal Herriko lehen mendiko aterpe-ostatua" eraiki eta zabaldu baitzuen Igiriñaon (Gorbeia) 1922. urtean. Bizkaiko Foru Aldundiaren laguntzari esker argitaratzen den ikerketa honen bidez, Eleuterio Goikoetxearen alderdi ekintzailea jaso eta aitortu nahi da.