Basilika / Itxaro Borda

"Basilika" Itxaro Bordaren lehenengo nobela da, eta ezin izan zuen bere estreinaldia modu distiratiago batez egin, benetan nobela interesgarria burutu digu eta. Estilo zuzen eta puntadun batez gure gizarteko zenbait arloren erretrato umoretsua eskaini nahi izan digu Itxarok, eta gaia ere ezin biziagorik aukeratu. Jon Kapagorrik, euskal diputadu hautatu berriak, ideia paregabe bat eduki du Euskal Herriaren ekonomia bultzatzeko, hots, basilika bat eraikitzea, horretarako Ama Birjina agertarazte duelarik Irulegin, bertako neskatxa gazte bat, Elorri, bitarteko gisa erabiliz. Nahiz eta nobela etorkizun hurbilean kokatua egon, gaur egungo egoeraren hainbat islada kausi litzake irakurleak.