Uribe Kosta Mungialdea : ipuinak = Cuentos / hautaketa eta edizioa, Aner Gondra ; azala, David Martínez de Compañón ; [testua, hainbat egile ; hitzaurrea, Aner Gondra]

Liburu honetan Bizkaiko Uribe Kosta eta Mungialdea eskualdeetako biztanleek idatzi nahi izan dutena biltzen da. Idatzitakoak ez du osotasun bat irudikatzen, eta ez dira autore onenen lan onenak aukeratu. Ausazko eredu bat besterik ez da, inguru horretako gizon-emakumeek kontatu nahi izan dutenaren eredu bat, hain zuzen. Kontakizun edo obra-zati hauek estilo ezberdinak izateaz gain, leku ezberdinak irudikatzen dituzte. Autoreen profilen artean ere ezberdintasun handiak aurki daitezke. Sexu eta belaunaldi ezberdinetako pertsonek hartu dute parte prozesu honetan: mintzatzeko ere hainbat hizkuntza erabili dituzte. Hori bai, denak jatorri bera dute eta gizarte beretik datoz: Uribe Kosta eta Mungialdea eskualdeetatik.