Gogoratzen nauzuenetan : ipuin ilustratuen bilduma = Colección de cuentos ilustrados / [iniziatiba eta antolakuntza, Miren Lanz Solbes, Oihana Llorente Arretxea, Ainara Lopez Zarco ; hitzaurrea, Asun Casasola Pardo]

Liburu honek Asun Casasola Ipuin Motzen Lehiaketan egindako lanak jasotzen ditu. Eskuartean duzun liburua indarkeria matxistarik gabeko jendartea irudikatzeko ahalegin kolektiboa da. Auzolana eta herritar izaera ditu zutabe eta Nagore Laffage eta patriarkatuaren biktima izan diren emakume guztiak izan nahi ditu gogoan. 2008ko uztailaren 7an hil zuten Nagore Laffage. Ordutik, baina, izugarria izan da haren amak, Asun Casasolak, erakutsitako indarra eta kemena. Bere izena duen Ipuin Lehiaketarekin Asun omendu izan nahi dugu Irungo hainbat egilek, baita lehiaketak izandako bi edizioetan parte hartutako 500 pertsonek ere. Ipuin horietako batzuk eskuartean dituzu orain, hainbat emakume ilustratzailek mimoz egindako marrazkiekin lagunduta. Ilusioz eta elkarlanean erditutako lana da hau, orain zure proiektua ere badena.