Buhameak, Historiarik gabeko jendeak? = Les Bohémiens, des gens sans Histoire? / Nicole Lougarot

"Buhameak, historiarik gabeko jendeak?" liburuan Garaziko buhameen historiako uretan murgiltzen da Lougarot. Oraingo eguneko buhameen lekukotasunen ur freskotik ere edatera emanez. Duzunaritze-Sarasketako (Nafarroa Beherea) Antxixarburua auzoko buhameez idatzi zuen kronika Jean Barbier apez garaztarrak, 1895ean. Baina ez zioten argitaratu 1970. urtera arte, "Gure herria" aldizkarian. "Buhameak, historiarik gabeko jendeak?" liburua (Gatuzain) karrikaratu berri du Nicole Lougarot ikerleak, zeinak baitakar Barbierren lan hura, euskaraz eta frantsesez. Kronikan agertu datuak artxiboetan egiaztatu ditu Lougarotek, buhameen historiaz oinarrizko informazioa ematen du, eta haien ondokoen lau lekukotasun ekarri.