Elikagaiak, elikadura eta dietetika / Edurne Simón Magro, Bittor Rodríguez Rivera, Idoia Labayen Goñi

Liburu honetan hiru atal ezberdin jorratzen dira. Hasteko, nutrienteen definizio eta sailkapen orokor eta labur baten ondoren, sakon azaltzen dira beraien funtzioak, erabilera nutritiboa eta metabolismoa. Nutriente horiek guztiak elikagaietan agertzen direla kontuan hartuta, elikadura orekatua lortu ahal izateko nabaria da elikagaien ezagutza ezinbestekoa dela. Hori dela eta, liburuaren bigarren atalean elikagai taldeak xehetasunez lantzen dira, eta besteak beste, beraien sailkapenari, konposizioari, nutrizio-balioari eta ezaugarri organoleptikoei buruz luze aritzen dira egileak. Amaitzeko, idazleak egoera fisiologiko berezi bakoitzeko elikaduraz eta dietetikaz ari zaizkigu. Horrela, elikadura orekatuaren oinarriak zehazten dizkigute; are gehiago, dieta orekatuaren prestakuntzan sakontzen dute elikagai taldeen eta egoera fisiologiko bakoitzaren beharrak kontuan hartuz.