Lezoko toponimia / Lander Zurutuza Sunsundegi

Lezoko udalerria Gipuzkoako iparrekialdean dago kokatua, Oiartzun ibaiaren eskuinaldean. Hura osatzen duten 8,6 kilometro koadroak itsasadarretik Jaizkibel mendiaren gailurreraino hedatzen dira. Bost udalerri ditu mugakide: Pasaia, Hondarribia, Irun, Oiartzun eta Errenteria. Eta, hain zuzen ere, Lezoko toponimoen bilduma ahalik eta zabalena osatzea izan da lan honen helburua. Alegia, bertako leku, etxe, baserri, erreka, zubi, iturri, gotorleku eta abarren izenak biltzea, bai noizbait galdu zirenak, bai gaur egun galtzear nahiz bizi-bizirik daudenak. Horiek kokatzea eta normalizatzea. Hizkuntzalari zein historialarientzat probetxugarria izan daitekeelakoan. Gure herria hobeto ezagutu nahi lukeen edonorentzat pizgarri