Garaituak eta esklabotuak : bortxazko lanak Lezon (1939-1942) = Vencidos y esclavizados : trabajos forzados en Lezo (1939-1942) / Miguel Angel Barcenilla

1939 eta 1942 urteen arteko gertakizunak ditu oinarri liburuak. Urte horietan, gerran garaitutako ehunka preso Jaizkibelgo errepideak eta Gaintxurizketako bunkerrak eraikitzera ekarri zituzten Lezora. Hiru urte eta erdiz, Lezoko kanpamentuetan, 5.000 gatibu baino gehiago behartu zituzten lan horiek esklabotza baldintzetan egitera. “Urte horietan Lezok 2.000 edo 2.500 biztanle zituen, beraz pentsa 5.000 esklabu eta hauek zaintzeko bertan zeuden 1.000 soldaduk nolako eragina zuten herrian. Oiartzungo Kattin Txiki elkarteak kalkulatzen duenez, bailaran 12.500 preso aritzen ziren bortxazko lanak egiten”, kontatu du liburuaren idazleak.