Larreko eskolatik : trikitixarekin gozatzeko apunteak / Joseba Tapia

Musika eskoletako «irakasle askok» dituzten arazo eta kezkei erantzuna emateko saiakera bat ere bada. «Asko kexu dira, ikasleek ez dutela ikasten, ez dutela motibaziorik... eta horrek frustrazioa sortzen du irakasle zein ikasleengan», azaldu du Joseba Tapiak, eta horren aurrean musikak ezeren aurretik «gozatzeko» izan behar duela aldarrikatu du trikitilari lasartearrak. «Musika ez dago bakarrik musika eskolan. Dago etxean, herrian, kalean... lehen agian gauza gutxiago zegoen, telebista gutxiago adibidez, eta musika gehiago. Erromeriek, esterako, sekulako arrakasta izaten zuten. Egun, badirudi musika eskoletan bakarrik ikasten dela», nabarmendu du.