Artikuluak. Hitzaldiak. Gutunak / Gabriel Aresti

Artikuluak, hitzaldiak eta gutunak biltzen dira liburuki honetan. Benetan ugariak ditugu artikuluak. Hasi eta azken mementura arte luze eta sarri idatzi zuen Arestik hainbat aldizkaritan, baina batez ere "Zeruko Argia"n eta "Anaitasuna"n. Gai askotaz aritu zen artikuluotan, poesiaz eta teatroaz bereziki. ia beti eztabaidaren hariari jarraituz. Eztabaidagune apropos bezala erabili zituen Arestik aldizkariotako orrialdeak, eta lerro beretik azaltzen zaizkigu hitzaldiak: 14 hitzaldi bildu dira, eta horien artean Ondarroan 1964ean irakurri zuena; Tolosan eta Hernanin 1965ean emandakakoak; urte berean Barcelonako unibertsitate-ikasleei esana; Baionako "Euskal kideen aurrean" Oskorrirekin batera jaurtikia; eta ustez azkena izan zen Deustuko Unibertsitatean eskainirikakoa. Hitzaldietan eta artikuluetan bezalaxe, gutunetan ere burutazio eta pentsamolde frango aurkitzen ditugu literaturari nahiz gizarteari buruz. Arestiren alderdirik ezezagunenak azaleratzen lagunduko dutelakoan han-hemenka luzatutako ia ehun gutun bildu ditugu. Gabriel Arestiren pentsamendu eta gogoetetarako bidea erraztuko ahal da bilduma honen bitartez!