Arrontegiko telesaioa [Lehen Hezkuntzako 5. eta 6. mailak] [Diziplinartekoa] [Interneteko baliabidea] / Idoia Alonso Olivares, Xabier Baraja Núñez eta Iratxe Sánchez Peña

Proiektu honen helburua bat-bateko ahozkotasunari garrantzia ematea eta sustatzea da. Eskolan, dagoeneko, telesaioan arituak ginela, konturatu ginen ikasleek dena irakurtzen zutela edo buruz ikasten zutela; beraz, horren aurrean zerbait egiteko beharra ikusi genuen. Era berean, gure irakas-jardunaren hausnarketa egin eta gero, ahozkotasuna, berez, ez genuela lantzen ohartu ginen. Hortaz, gure asmoa da ahozkoa modu sistematizatuan eta eraginkorrean lantzea eta trebatzea, ahozko gaitasuna hobetzeko, eta, ondorioz, telesaioen kalitatea hobetzea. Dokumentu honetan irakasleentzako proiektuaren gida topa dezakezue. Eduki hauek landuko dira: ahozko komunikazioaren ezaugarriak, komunikazio ez-berbala eta gorputz-adierazpena, bat-bateko komunikazioa, ahozko testu-motak: azalpena, deskribapena, narrazioa..., ahozko komunikazioarekin lotutako emozioen autoerregulazioa eta talde-lana eta gatazken kudeaketa. Material hau IRALEren R900 (euskarazko ahozko komunikazioa irakaskuntza-jardunean) ikastaroaren bidez sortu da. Sekuentzia didaktikoa da.