Proiektu ilustratua: arrazoiaren ahalmena, itzalak eta mugak [Interneteko baliabidea] : Lehen bolada feminista: Olympe de Gouges eta Mary Wollstonecraft / Nagore Portillo Bilbao

Lan honek zalantzan jartzen du Ilustrazioari buruz testu liburuetan tradizionalki jasotako ikuspegi ofiziala, eta emakumezkoek mugimendu horretan izandako garrantzia azpimarratzen du, besteak beste. Horretarako, lehen atalean, Ilustrazioak izandako itzalak azpimarratzen dira, eta agerian jartzen da itzal horiek Ilustrazioa burgesiak sorturiko mugimendua izatearen ondorioa izan zirela. Euskal Ilustrazioari buruzko atal bat ere jorratzen da, eta, haren lorpen handiak aipatzeaz gain, azpimarratzen da jauntxoen mugimendu bat izan zela eta jauntxo haietariko asko esklabotzaren bidez aberastu zirela. Ondoren, bigarren eta hirugarren ataletan, hurrenez hurren, Olympe De Gougesen eta Mary Wollstonecraften figurak eta haien pentsamendua berreskuratzen dira. Bestalde, lan honen helburua Filosofiaren Historia arloko irakasleentzat zein ikasleentzat baliagarria izatea da. Hori dela eta, Batxilergoko Curriculumaren zirriborroan azaltzen diren ikasgai berri batzuetarako testuak biltzen ditu, eta USE probarako testu atalak eta epigrafeak ere garatzen ditu. Azkenik, elkarrizketa-gaiak nahiz bizipen-dinamika parte-hartzaileak bultzatzeko baliabideak ere eskaintzen dira.