Unibertsoa eskuekin ezagutzen (ikas-egoera) [Interneteko baliabidea - Webgunea] / Mirari Olazabal Larrañaga

Lan honen bitartez, Lehen Hezkuntzako ikasleentzat unibertsoaren inguruko hezkuntza-proiektu bateratu bat proposatu da. Unibertsoa eskuekin hautemanez, ikusmen-urritasuna duten ikasleen premiak aintzat hartu dira, eta hala, hezkuntza inklusiboa sustatu nahi izan da, batetik, eta bestetik, euskara bera lantzeko materiala sortu. Bi ikas-egoera desberdinek osatzen dute lana: 6. mailako ikasleei zuzendutako ikas-egoera, batetik, eta bigarren mailakoei zuzendutakoa, bestetik. Bi ikas-egoerek helburu bateratu bat duten arren, unibertsoaren gaia lantzea, hain zuzen ere, haien garapena desberdina da: ikas-talde bakoitzeko ikasleen ezaugarrietara eta beharretara moldatuta dago ikas-egoera bakoitza. Proiektu honek ikusmen-urritasuna duten ikasleen beharrak kontuan hartu ditu bereziki, eta haur guztien garapena sustatzeko beharrezkoak diren egokitzapenak egin dira.