Gorputz Hezkuntzan txor-txor (ikas-egoera) : [Interneteko baliabidea] Gorputz Hezkuntzako programazioa : Lehen Hezkuntzako 3. maila / Unai Gonzalez Lasaga

Gure umeek gero eta gutxiago hitz egiten dute euskaraz beraien artean, batez ere testuinguru ludikoan: jolastokian, jantokian, Gorputz Hezkuntzako saioetan… Kasu batzuetan irakasleekin ari direnean ere gaztelaniara jotzen dute. Horregatik, beharrezkoa da, ikasturte osoan zehar, ahozkotasunaren lanketa sakonagoa egitea, eta ez bakarrik hizkuntza irakasleak edota tutoreak. Guztion lana da gure ikasleak komunikatzeko gaitasunean trebatzea. Gainera, Gorputz Hezkuntzako saioek aukera aparta ematen dute lanketa hori modu ludikoan egiteko, arloak, berez, ikasle gehienengan pizten duen motibazioaz baliatuz. Beraz, ikasturtean zehar burutuko diren ikas-egoera bakoitzean, ahozkotasunaren lanketari garrantzia emango zaio, jarduera, sekuentzia, proiektu edo azken ekoizpen baten bitartez.