Dendaostetik plazara = De la trastienda a la plaza / [testuak, Francisco Javier Arrieta Idiakez, Pilar Arrieta Idiakez ; irudiak, Kaiet Bengoetxea Urkiza, Antxon Uskola Urruzuno]

Zortzi kontakizunez osatutako liburua dakarkigute, tokiko komertzioa eta ostalaritza bultzatzeko helburuarekin. Sentimenduz, kolorez eta errealitatez jantzitako lana eskaintzen digute egileek. Jorratu dituzten gaien artean dira ekonomia zirkularra, digitalizazioa, elkartasuna, lan-baldintzak, ekintzailetza, immigranteen ekarpena, bertatik bertarako ekonomia eta zeliakoen egoera. Halaber, han-hemenka, tarteka, Euskal Herriko historiari, kulturari, arteari, kirolari eta mitologiari ere begiratu diote. Halatan, kontakizunetan, modu batera edo bestera, posible da Txomin Agirre, Unamuno, Pío Baroja, Oteiza eta edozenbat euskal musikari aurkitzea. Baita Anbotoko Mari bera ere. Ildo beretik, sarritan iraganak eta orainak bat egiten dute, etorkizunera begiratzeko beti. Horrela agertzen dira balearen arrantza, artzain euskaldunak, baserriko bizimodua, neska futbolariak, zesta-puntaren historiari lotutako kontuak, euskal komunitarismoa...