Ele-meleka [Interneteko baliabidea] : baliabideen bilduma : Bigarren Hezkuntzako nerabeen hizkuntza-sozializazioan laguntzeko proiektua / [egileak, Lasarte-Oriako Udaleko Euskara-zerbitzua, Ttakun Kultur Elkartea, Oriarte BHI, Ebete eta Asier Huegun Burgos ; testuaren moldatzailea, Lasarte-Oriako Udaleko Euskara-zerbitzua]

"Ele-meleka : Bigarren Hezkuntzako nerabeen hizkuntza-sozializazioan laguntzeko proiektua" izeneko liburuxka argitaratu zuen Lasarte-Oriako Udalak. Lasarte-Oriako Udaleko euskara zerbitzuak, Ttakun Kultur Elkarteak, Oriarte BHIk, Ebetek eta Asier Huegunek osatu dute esperientzian oinarritutako lana. Ele-meleka Lasarte-Oriako ezaugarrietara egokitutako proiektua da, baina hizkuntza-sozializazioranzko norabidea eta oinarriak edozein udalerri eta eskualdeetarako baliagarriak izan daitezke nerabeen hizkuntza-ohituretan eragiteari dagokionez. Baliabideen bilduma Ele-meleka proiektuaren oinarriak eta azalpenak jasotzen dituen argitalpenaren osagarria da. Argitalpen horretan programaren oinarriak eta eduki nagusiak aurkezten dira. Bigarren argitalpen honen helburua da baliabide zehatz eta praktikoak eskura jartzea modu honetako programa bat aurrera eraman nahi duten erakundeei. Noski, egokitu egin beharko dira esku-hartzeak egin aurretik, baina landutako hainbat tresna edozeinentzat erabilgarriak izan daitezkeelakoan gaude, moldaketa txiki batzuk egin eta testuinguru horietara egokituta.