Puta zikinak : sexu-langileen eskubideen aldeko borroka / [egileak] Juno Mac eta Molly Smith ; itzulpena, Amaia Astobiza Uriarte

Molly Smith eta Juno Mac sexu langileek «Revolting prostitutes» saiakera argitaratu zuten 2018an. Urte erdian, urte osoko aurreikuspenak gainditu zituzten. Jatorrizkoa euskaratu du Amaia Astobizak, «Puta zikinak». Haiek entzuteko garaia da, eta eztabaida sustatzekoa. «Prostituzioak adiera ugari ditu, eta sakoneko emozioak azaleratzen ditu. Batez ere, inoiz sexurik saldu ez dutenei gertatzen zaie hori, sexu-salmenta modu sinbolikoan ulertzen dutenei. Prostituzioaren ideiak imanak bezala erakartzen ditu lanari, maskulinitateari, klaseari eta gorputzei buruzko galderak; gaiztakeria arketipikoari eta zigorrari buruzkoak; nork 'merezi' duen zer; zer esan nahi duen komunitate batean bizitzeak; zer esan nahi duen norbait komunitate horren mugetatik at bidaltzeak. Prostituzioarekiko jarrerek lotura handia izan dute beti arrazarekin, mugekin, migrazioarekin eta nazio-identitatearekin, batzuetan ageriki, maiz ezkutuan. Sexu-lana ganbera korazatu bat da, non gizarteak bere beldur eta kezkarik larrienak gordetzen baititu». [Juno Mac eta Molly Smith]