Behinola : haur eta gazte literatura aldizkaria 45. zenbakia / [koordinatzailea, Miriam Luki Abisua ; erredakzio batzordea, Asun Agiriano ... et al.]

Irakasleen prestakuntzarako aldizkaria da, haur eta gazte literaturaren ingurukoa. Behinola 45. alearen edukiak honakoak izan dira: Haur- eta gazte-literaturaren inguruko ekintzen AGENDA. HITZAURREA non aldizkari guztiaren edukiaren berri ematen dugun. ELKARRKIZKETA NAGUSIA, non Ramon Saizarbitoria idazlea gazte-literaturaz mintzatu zaigun. GALTZAGORRI ALBISTE: Ikusi Mikusi haur eta gazte literaturako azokaren bigarren edizioaren eta "Gonagorri" podcastaren jarraipenaren nondik-norakoak eman ditugu bertan. SORMENEZ atalean Peru Magdalenaren abestiari marrazkiak egin dizkio Begoña Durrutyk. LAU ESKUTARAn Andere Garabieta gazteak bere irakurle esperientzia kontatu digu eta Dani Fano, gazteentzat komikiak egiten dituen ilustratzaile, gidoilari eta editorea gazteentzako komikigintzaz aritu zaigu. IRUZKINAK atalean, 25 liburutik gora iruzkindu ditugu, horietatik asko 12 urtetik gorako gazteentzat aproposak. Lander Majuelo Igela argitaletxeko editoreak "Nikolas Txiki" bere liburu KUTTUNAz idatzi digu. Mikel Ayerbe EHUko irakasleak, berriz, "Anne of Green Gables" gazte-literaturako liburu klasikoa eman digu ezagutzera ZER EKARRIKO? Sailean. Iñaki Landa ilustratzaileak bi joko proposatu dizkigu DENBORA-PASArako, horietariko bat zazpi desberdintasunak topatzeko erronka botaz irakurleari.