Zerura igotzeko [Interneteko baliabidea] / Joxean Sagastizabal ; [azala eta barruko marrazkiak, Juan Sagastizabal]

Hauxe da Joxean Sagastizabalek kaleratzen duen bigarren liburua. Lehenengoak, baldin eta gogoan baduzue, iaz ikusi zuen argia, eta "Jolasean" izeneko narrazio luze edo nobela laburra zen. Orduko hartan pertsonen arteko erlazioei buruzko ikuspegi pertsonala agertzen bazuen, gaurko honetan oso bestelako emaitza bat eskaintzen digu: haur literaturaren hainbat errekurtso eta idaz-tankera erabiliz helduentzat modukoak diren hamar narrazio labur-labur prantatu dizkigu. "Esnez eta amorruz", "Fik irten egin zuen", "Edanaren kalteak", "Zintzarriaren hotsa", "Haizeak eraman zuena", "Zerura igotzeko", "Maitearen traizioa", "Ez genuen batere lorik egin gau horretan", "Komunikazio arazoak" eta "Sudur handikoen komeriak" dira ipuinon izenburu adierazgarriak. Irudimenak zabaltzen die atea narraziooi, eta hamar horietako bakoitza hari desberdin bati lotzen zaio, orrialde guztiz sujerikorrak sortuz. Anaiaren marrazkiek lagundu egiten diote puntuari borobiltasuna bilatzen.