Amaiur : herriaren gaztelua / Enrique Lekuona ; [idatziak, Juantxo Agirre-Mauleon ; itzulpena, Paskual Rekalde ; olerkiak, Jose Angel Irigarai]

Amaiur euskal Pirinioetako herrietarik ederretako bat da. Gorramendi eta Alkurruntz mendien artean kokatua, haien mendi-mazeletan sortzen diren errekek Aranean isurtzen dituzte urak. Otsondoko lepoa gainditu eta Pirinioen ipar arrora iragan baino lehenagoko hondar pausoa da. Aunitz dira pagoak inguruetan, zeinen aldakerak lainoek buztitzen baitituzte, ez dira guti harrizko lauza handiz inguratutako belai berdeak; kaikuaren artzain-kulturaren lekuko da tea, orobat, aspaldi-aspaldiko tradizioen gordailu. Euskararen herria da. "Urte guziko obra kuttunena izanen da hau", hitz horiekin hasi zuen pasa den larunbatean bere hitzaldia Ixabel Aleman Amaiurko alkateak. Aurtengoa urte berezia da Amaiurren, 500 urte betetzen baitira Nafar erresumaren defentsan, Amaiurko gazteluan 200 gudari gaztelarren aurka borrokatu zirela. Urteurren borobil horren harira urte guztian zehar ekimen ugari antolatzen ari dira, eta hor kokatu behar da Enrique Lekuonaren marrazkietan oinarrituriko "Amaiur. Herriaren gaztelua" liburua. Duela bortz urte istripu baten ondorioz zendu zen Lekuonaren marrazkiak bildu ditu bere familiak, eta marrazki horiekin argitaratu dute liburua. Aranzadi Zientzia elkarteko kide izan zen Lekuona eta Amaiurko gazteluko indusketetan aritu izan zen lanean hainbat urtez. Bertan ikusitakoa eta ikasitakoa margotu zuen, etengabe, eta gaur egun gazteluan ikus daitezkeen paneletan bere marrazkiak ageri dira, argitaratu berri duten liburuan bezala. Juantxo Agirre Ara...

Deskribapen osoa