Zainetan murrailak / José Luis Otamendi

Maitasun poemak dira Jose Luis Otamendiren hirugarren poema liburu honetan dauzkazunak. "Zainetan murrailak" ez da ordea intimismoaren zaku gazi gozoez eraikitako gaztelua, ez eta maitaleen gorputz izerdituak erakusten dituen maindire erabili piloa. Hildako amets eta esperantza urkatuetan korapilatu bait ditu barrenetako bozak, zauri odoletan blai batzutan eta formol hasperenetan itota bestetan. Bati besarkadak zein intzentsua present: gauaren ilunpeko derekatan heriotza astiro etorriko den saminduraz, baina igurtziren batzuk bihotzen batetan iraungo dutela sinetsi nahian. Bi mjunuturen mugak elkar kolpatuta. Uda ozenetik negu isilera heldu. Urte eta mendeetan kateatzeko. Pentsa orain, bainera batetako ur berotik gora lurruna, zainetatik jario epela, eta azkenik logura. Eta konturatu bide zara: "oraino ez dut ikasi amodioa ondo tratzen".