Lagun minak /Jon Benitoren hamabost kontu

15 ipuin, poema, kontakizunek osatzen dute bilduma hau. Prosaz zein poesiaz, laguntasuna eta mina dira protagonista, bizitzan bananduezinak diren osagaiak. Ez da, haatik, kontakizun latza edo pesimista. Pertsonala eta kolektiboa baizik. Hari zehatzak zeharkatzen du liburua, bi modutara. Batetik, olerkiek hezurdurarena egiten dute; eta horretan gorpuzten dira narrazioak. Bestetik, hizkuntza. Hizkuntza modernoa ez ezik, modernizatua da. Berritzailea izateraino askotan. Idazkeragatik nahiz hitzen erabileragatik. Badaude, jakina, bestelako hariak, finagoak, lan honen bikaintasuna lortzen dutenak: han hemen agertzen diren pistak dira horiek, autorearen unibertso afektibo, ideologiko, paisajistiko, kulturalaren berri etengabe ematen dutenak. Idazlearen meritua da hori guztia modu naturalean aurkeztea. Bai eta gozagarrian ere.