Esklaboen barrakoiak / testua, Mikel Susperregi ; marrazkiak, Lander Zurutuza ; [hizkuntza gainbegiratzailea eta aholkularia, Joxe Luix Agirretxe Mitxelena]

"Lezokuak", 2018. urtean Xalto ta Brinko Animazio Elkarteak abian jarritako gazteei bereziki zuzendutako ipuin bilduma ilustratua da. Bertan Lezoko pertsonaia edo gertaera historikoak eta beren garaia azaltzen saiatzen dira modu nobelatuan. "Esklaboen barrakoiak" izenburupean, gerra ondoko frankismo garaian Jaizkibeleko errepidea eta behartutako beste lan batzuk egiteko milaka preso pilatzeko Lezon eraiki ziren barrakoien ingurukoa da. Baldintza oso kaskarretan bizi ziren gizon hauetako askok herriko emakumeengandik jaso izan zuten laguntza, bizirauteko. Preso hauek bizitutakoa eta emakume hauen lana ezagutzera emateko, liburuaren osagarri gisa Garazi Ugalderen hitzekin eta Iñaki Labakaren musikarekin, Elkartasun-haizeak bideoklipa ekoiztu dute. Liburuan agertzen den QR kode baten bidez Interneten ikusi ahal izango da.