Krabelinen herriminha / Koldo Izagirre ... [et al.]

Europaren ipurdia izan daiteke Portugal. Edo Europarren sudurra, arnasbidea, nondik -eta, batez ere, nola- begiratzen zaion. 1974ko apirilaren 25ean, hainbat irratik Jose Afonsoren "Grandola Vila Morena" kantu ezaguna aireratu zutelarik, azkena eman zioten portugesek Salazar diktadorearen izualdi luzeari. Hego Euskal Herrian ez genuen grandolarik izan. Gure amorruaren zurrumurrua sehaska kantu zitzaion Francori, ez genuen besterik egiten asmatu. Orduan ikasi genuen Portugali beste begiz begiratzen. Geroztik, handitu baino ez da egin gure lilura, eta lilura horrek orrialde ederrak idatzi ditu gure literaturaren liburuan. Mundu oso eta bestelako bat deskubritu genuen Portugalen, Ozeano Atlantikoa bezala Afrikatik Brasileraino hedatzen dena. Mundu horrekiko gure harremanen kronika askotarikoa duzu liburu hau. Zor genion, bai, Portugali -eta geure buruari- horrenbeste.

Egilea(k):	Izagirre, Koldo ; Jimenez, Edorta ; Garzia Garmendia, Juan ; Aranbarri, Iñigo ; Alonso, Jon ; Montorio, Bego ; Berasaluze, Gari
Argitaratua:	Irun : Alberdania, L.G. 1999
Bilduma:	Zerberri (Alberdania) ; 7
Generoa / Forma:	Helduentzako Literatura