Berria ikasgela : Fran Urias eta Zuriñe Hidalgo: «Pozik gaude egindakoarekin, baina ezer ez da betiko» [Interneteko baliabidea - Webgunea] / [proiektuaren arduraduna, Ainhoa Oiartzabal]; Berria egunkaria

BERRIA Ikasgelak hezkuntza sisteman erabiltzeko askotariko edukiak eskaintzen ditu: irakurgaiak, bideoak, infografiak, audioak... BERRIA egunkariak landutako edukiak dira, azken urteotako argitalpen aukeratuetan oinarrituak. Azkenekoa izango zela iragarri gabe igo ziren azken aldiz oholtzara Fran Urias (Etxarri Aranatz, Nafarroa, 1985), Zuriñe Hidalgo (Gasteiz, 1990) eta Hesian taldeko gainerako kideak. Hamabost urteren, zortzi diskoren eta hamaika kontzerturen ostean, agur esatea erabaki dute.Sakanan (Nafarroa) sortu zen Hesian. Musika indartsua eta bizia jorratzen du, haize instrumentuz eta neska-mutilen ahotsez hornituriko pop-rock eta punk-rock melodikoaren eremuan. Abestietan, hitz sakon eta konprometituak zabaltzen ditu, borrokalariak, esanahiz beteak eta itxaropentsuak, iluntasunean argia bilatzen dutenak.