Zientzialari (M. J. Aranzabe) [Interneteko baliabidea - Bideoa] : hizkuntza-teknologiak ezinbestekoak dira euskara bultzatzeko / Kultura Zientifikoko Katedra (EHU)

"Zientzialari" izeneko atal honen bitartez UPV/EHUko Kultura Zientifikoko Katedrak zientziaren oinarrizko kontzeptuak azaldu nahi ditu euskal ikertzaileen laguntzarekin. Bideo honetan: hizkuntza baten erabilera bultzatzeaz gain, hizkuntza horrek mundu digitalean duen presentzia ere zaindu beharreko arloa da. Zentzu horretan, euskara Europako beste hizkuntzen mailan egon ahal izateko, hizkuntza-teknologiak lantzea ezinbestekoa da. Egoera horren aurrean, euskararen unibertsorako onuragarriak izan daitezkeen sistema automatikoak garatzen ditu UPV/EHUko Informatika Fakultateko Ixa ikerketa-taldeak, euskararen gaineko ikerketa aplikatua betiere helburu izanik. Ikerketa esparru zabal honen xehetasunak ezagutzeko, UPV/EHUko Ixa ikerketa-taldeko ikertzaile den Maria Jesus Aranzaberekin hitz egin dugu.