Zientzialari (Ane Zabaleta) [Interneteko baliabidea - Bideoa] : uraren plangintza eta lurraren antolamendua, biak bat doaz / Kultura Zientifikoko Katedra (EHU)

"Zientzialari" izeneko atal honen bitartez UPV/EHUko Kultura Zientifikoko Katedrak zientziaren oinarrizko kontzeptuak azaldu nahi ditu euskal ikertzaileen laguntzarekin. Bideo honetan: ur-sistemak ulertzen saiatzen garenean, ura prezipitazioetatik lurrera sartzen denetik lurruntzean irteten denera arte aztertu behar dugu. Gainera, sistema hauek ikertzean ez ditugu iturburu edo ibai konkretuak analizatzen, akuiferoak edo ibai arroak baizik. Ur-sistemak ezagutzea oso baliagarria izan daiteke lurraldearen erabilera eta ziklo hidrologikoen artean dagoen erlazioa ulertzeko, adibidez. Izan ere, landareek, basoek edo larreek esaterako, ur kantitate desberdinak kontsumitzen dituzte.Gai honetan sakontzeko Hidroingurumeneko Prozesuak ikerketa-taldeko Ane Zabaleta ikertzailearekin bildu gara, UPV/EHUko Zientzia Fakultateko Geodinamika saileko ikertzailearekin.