Gure faunari eta florari begira : Urumea bailarako natura eta ahozko ondarea : euskara, ezagutza, sinesmenak... / egileak, Eñaut Agirre Goia, Iñaki Sanz-Azkue ; [hizkuntza-zuzentzailea, Larraitz Garmendia Munduate ; aholkularitza zientifikoa, Asier Sarasua, Egoitz Alkorta Miranda, Ander Izagirre Egaña]

Aranzadi Zientzia Elkartearen eta Dobera Euskara Elkartearen eskutik argitaratu den liburu honek aurrekari garrantzitsu bat izan du: "Burbunak eta etsayak" dokumentalaren grabazioa. Bertan, Iñakik eta Eñautek Urumea bailaran zehar bildutako hainbat testigantza agertzen dituzte, hari fin batez lotuta. Aurretik jasotako testigantza horietan oinarrituta gauzatu da liburu hau. Grabazioko protagonistek aipatutako landare eta animaliak fitxetan azaltzen zaizkigu. Urumea ibaian eta arroan bizi diren eta bizi izan diren arrain, hegazti eta piztien ezaugarriak azalduko zaizkigu, eta baita beren izenak ere hainbat aldaerarekin. Liburuak erakusten digu zenbaterainoko aberastasuna gordetzen duen bailara honek. Ezkutuko beste mundu bat ikusarazten digu, eta mundu horren garrantziaz ohartarazten. Ezin ditugu progresuaren aitzakian gure ingurune naturala eta gure hizkuntza ahultzen eta ahitzen utzi. Aurreko belaunaldien garaiko ondareari eusteko ardura dugu oraingo eta datozen belaunaldiek.