Ahozkotasuna lantzeko antzezlan txikiak eta mikrotestuak : [Lehen Hezkuntza 4, 5 eta 6] / Ana Monasterio

Liburua hiru kapitulutan banatuta dago eta kapitulu bakoitza maila bati dagokio: LH 4, 5 eta 6. Kapitulu bakoitzean, hau da, maila bakoitzean, hamabost antzezlan txiki eta hamabost mikrotestu daude. Maila guztietan, antzezlan txikiak hiru esparru desberdinetan garatzen dira: eskolako eskaileretan (5), ikasgelan (5) eta jolastokian (5). Antzezlan bakoitzak orrialde bat besterik ez du betetzen eta hiruzpalau umek antzezteko idatzita daude. Era berean, antzezlan txiki bakoitzaren hurrengo orrialdean mikrotestu bat dago, antzezlanean garatzen den gai nagusiarekin lotura zuzena duena. Testu txiki hori irakurri ondoren, galdera batzuen bidez ikasleei parte hartzeko aukera ematen zaie. Horretaz gain, ahozkotasuna bultzatu eta erraztu nahian, orrialdearen beheko aldean hiztegia eta esaldi-eredu batzuk gehituta daude.